Он гарснаас хойш Өмнөговь аймагт зам тээврийн ослын улмаас 8 хүн нас баржээ.
Цагдаагийн газрын Замын цагдаагийн тасгийн ахлах зохицуулагч, цагдаагийн хошууч Т.Түмэнжаргал хэлэхдээ "Согтуугаар тээврийн хэрэгсэл жолоодох, хурд хэтрүүлэх, мотоциклийг хамгаалах малгайгүйгээр жолоодсоны улмаас зам тээврийн ослоор иргэд амиа алдаж байна. Он гарсаар нас барсан 8 иргэний 4 нь согтуугаар тээврийн хэрэгсэл жолоодсоны улмаас амиа алдсан" гэлээ.
Өнгөрсөн онд согтуугаар тээврийн хэрэгсэл жолоодсон 627 зөрчил бүртгэгдсэн байна. Мөн зам тээврийн ослын улмаас 28 хүн нас баржээ.
