Бразилын эрх баригчид коронавирусний эсрэг вакцин хийлгээгүй жуулчдад таван өдрийн хөл хорионы дэглэм сахихыг үүрэгджээ.
Тус улсын хэвлэлүүдийн мэдээлж буйгаар жуулчид дээрх хөл хорионы хугацаанд ковидын PCR шинжилгээ өгөх ёстой. Шинжилгээ сөрөг гарвал тухайн жуулчин Бразилд хийх аяллаа үргэлжлүүлж болно.
Шинжилгээг Бразил руу нисэхдээ мөн өгөх шаардлагатай. Шинжилгээ 72 цагийн дотор хүчинтэй аж.
Бразилын Эрүүл мэндийн сайд Карлус Альберту Франку Франсын мэдэгдсэнээр тус улсын хүн амын 60 гаруй хувь нь коронавирусний эсрэг вакцинд бүрэн хамрагдсан байна. Бразилын Засгийн газар 360 гаруй сая тун вакциныг улс орон даяар түгээжээ.
