Увс аймгийн Зүүнговь сумын Тохой багт энэ сарын 05-ны өдөр удааширсан малыг төхөөрч, махыг нь чанаж идсэн хоёр иргэнээс боомын халдвар илэрч тухайн аймгийн Нэгдсэн эмнэлэгт хэвтэн эмчлүүлж байгаа тухай бид өмнө нь мэдээлсэн.
Тэгвэл тус иргэдийн биеийн байдал хэрхэж байгаа талаар тус аймгийн Нэгдсэн эмнэлгээс тодруулахад "Боомын халдвараар өвчилсөн хоёр иргэний нэг нь биеийн байдал тогтворжиж эмнэлгээс гарсан. Харин нөгөө нь хэвтэн эмчлүүлж байна. Манай эмнэлгийн зүгээс хаван бууруулах, антибиотик эмчилгээ үзүүлж байгаа" хэмээсэн юм.
