Сэлэнгэ аймгийн Шаамар сум гуравдугаар багийн нутагт Toyota Prius-20 маркийн автомашин онхолдож зорчиж явсан нэг иргэн амиа алдаж, хоёр иргэн хүнд гэмтжээ. Тус осол өчигдөр 18 цаг 00 минутын орчимд гарсан бөгөөд тээврийн хэрэгсэл жолоодож явсан А нь согтууруулах ундааны зүйл хэрэглээгүй болох нь тогтоогджээ. Цагдаагийн байгууллагаас осол гарсан шалтгааныг хурд хэтрүүлсэн байж болзошгүй гэх үндэслэлээр шалгалтын ажиллагааг явуулж байгаа юм.
Иймд ТЦА-наас иргэдэд дараах сэрэмжлүүлгийг хүргэлээ.
- Жолооны ард суусан бол та өөрийн болон бусдын амь насыг хариуцлаа гэдгээ ухамсарлах;
- Хамгаалах бүсийг өөрөө хэрэглэхийн зэрэгцээ бусдадаа хэрэглүүлэх;
- Хэн ч таны автомашиныг хөдлөх, хаашаа явах, ямар үйлдэл хийхийг мэдэхгүй тул анхааруулах дохиог өгч хэвших, гадна талын гэрэлтүүлэх хэрэгслийг зөв ашиглаж бусад хүмүүст мэдээлэл өгөх;
- Хөдөлгүүрээ асааж хөдөлсөн бол хурдаа тогтмол хянах;
- Гар утас ашиглахгүй, анхаарлаа бусад зүйлд сатааруулахгүй байх;
- Хажуугийн болон арын толийг байнга ашиглах;
- Архи ууж болох ч жолооны ард бүү суу
.jpg)
