Ховд, Увс, Баян-Өлгий аймгийн Онцгой байдлын газрын аврагчид, алба хаагчдын усанд сэлэх ур чадварыг дээшлүүлэх, уснаас эрэн хайх, аврах ажиллагааны мэдлэг, туршлага олгох зорилготой “Усан сэлэлтийн нэгдсэн сургалт, дадлага” зохион байгууллаа.
Тус сургалт, дадлага ажил нь Ховд аймгийн Онцгой байдлын газрын дэргэдэх Усан спортын төвд өрнөв.
Үүнд баруун бүсийн аймгуудын Онцгой байдлын газрын 20 гаруй алба хаагч оролцож, өврөөр даллах сэлэлтийн техник, нэрвэгдэгчийг тээвэрлэх, аврах ажиллагаа, уртын шумбалтын техник, гүний шумбалт, осолдогчоос усан дотор биеэ хамгаалах арга техникийг эзэмшиж, туршлага хуримтлуулсан байна.
Онцгой байдлын газрын ажлын төлөвлөгөөний дагуу уснаас эрэн хайх, аврах ажиллагааны үзүүлэх дадлага сургуулийг жилд 4 удаа зохион байгуулдаг аж.
