Өмнөговь аймагт "Хүүхдэд ээлтэй орон нутаг" нэртэй сумдын удирдлагуудыг чадавхжуулах сургалт болж байна. НҮБ-ын Хүүхдийн сан, Монгол улсын Засгийн газартай хамтран төсөл хөтөлбөрийг хэрэгжүүлж байгаа юм. Үүнийхээ хүрээнд 2019 оноос хойш хүүхдэд ээлтэй орон нутаг сайн туршлагыг түгээн дэлгэрүүлж байгаа билээ. Энэхүү зорилтын хүрээнд Өмнөговь аймгийн 15 сумын ИТХ-ын дарга, Засаг дарга нарыг хамруулсан 2 өдрийн сургалтыг эхлүүллээ. Хүүхдэд ээлтэй орон нутаг байх, түүний ач холбогдол, хэрэгжүүлж байгаа арга хэмжээний талаар сургалт үйл ажиллагааг зохион байгуулна.Ташрамд Өмнөговь аймаг сар бүрийн эхний өдрийг хүүхдээ сонсох өдөр болгон тэдний санал бодлыг сонсож үйл ажиллагаандаа тусгаж байгаа билээ.
