ЛОНДОН. /Reuters/. АНУ-ын Вайоминг муж улсад коронавирусний халдварын улмаас нас барсан анхны тохиолдол бүртгэгджээ. Ингэснээр коронавирусний халдвараас үүдэлтэй нас баралтын тохиолдол АНУ-ын бүх муж улсад бүртгэгдээд байна.
Вайоминг муж улсад коронавирусний халдвар авсан өвчтөн нас барсан тухай тус муж улсын амбан захирагч Марк Гордон даваа гарагт “Твиттер” хуудсаараа дамжуулан мэдэгдсэн байна. Нас барсан өвчтөн өөр өвчний оноштой байсан бөгөөд коронавирусний халдвар авсны дараа биеийн байдал нь хүндэрчээ.
Одоогийн байдлаар АНУ-д коронавирусний халдвар авсан 587173 тохиолдол бүртгэгдээд байгаа бол халдварын улмаас 23644 хүн нас барсан байна.
Э.АянзаяаЭх сурвалж: Монцамэ агентлаг
