Дорноговь аймгийн төв Сайншанд хотод баригдаж байгаа Халдвартын эмнэлгийн барилгын ажлын гүйцэтгэл 80 хувьтай байгаа талаар албаныхан мэдээллээ.
Өнгөрсөн онд эхэлсэн тус эмнэлгийн барилгын ажлыг Орон нутгийн хөгжлийн сангийн 2.8 тэрбум төгрөгийн хөрөнгө оруулалтаар “Төгс-Өнөд” ХХК гүйцэтгэж байгаа юм.
Халдвартын эмнэлэгтэй болсноор үйлчлүүлэгчдийн хэрэгцээ шаардлагад нийцсэн барилга, өрөө тасалгаатай болохоос гадна эмч, эмнэлгийн ажилтнуудын ажиллах боломж нөхцөл бүрдэх аж.
Тус аймгийн хүн эдүгээ 71 мянга болж өссөн бөгөөд хүн амын суурьшлыг дагаад эрүүл мэндийн тусламж үйлчилгээний эрэлт хэрэгцээ ч нэмэгдэж байгаа аж.
