Үндэсний их баяр наадмын өдрүүдэд ес хоног амрахаар зохион байгуулсан. Энэ хугацаанд иргэд амралтаа агаар салхинд өнгөрүүлэхийг ЭМЯ-наас зөвлөсөн юм. Энэ талаар Засгийн газрын Хэвлэлийн төлөөлөгч Ч.Болортуяа "Хөдөө гадаа явахдаа тухайн аймаг орон нутагт мөрдөгдөж байгаа халдвар хамгааллын дэглэмийг сайтар дагаж мөрдөх хэрэгтэй. Гэр бүлийн гишүүнээс нэг хүнийг түргэвчилсэн шинжилгээнд хамруулна. Ингэхдээ вакцины хоёр тундаа хамрагдсан иргэнээс шинжилгээ авахгүй, харин 5-аас дээш насны хүүхдээс шинжилгээ авна" гэлээ.
