“Тэрбум мод” үндэсний хөтөлбөрийн хүрээнд ногоон байгууламж нэмэгдүүлэх, мод тарьж ургуулах зорилгоор сумын ЗДТГ-аас тодорхой газрыг нутгийн залуусын санал санаачилгад тулгуурлан олгосноор нутгийн залуус олон төрлийн мод тариалж, ногоон байгууламж бүхий модны төгөл бүтээжээ.
Даланжаргалан сумын нутгийн залуус 2021-2022 онд нийт 4000 мод тарьсан бол ургалт 80 орчим хувьтай байгаа гэж экологич Б.Эрдэнэтуяа өгүүлэв. Харин орон нутгаас мод тарих ажлыг дэмжиж газар олгон худаг гаргаж өгчээ. Дээрх бүтээн байгуулалтыг 2024 онд тохиох сумынхаа 100 жилийн ойг угтаж өрнүүлж байгаа аж.
