Эрдэнэт хотод анх удаа “Гайхамшигт помидор” өдөрлөг боллоо. Өдөрлөгийг “Эрдэнэтийн ногоочид”фэйсбүүк групп санаачлан зохион байгуулж иргэдийг хүнсний ногоогоо тариалахад нь уриалах, зөвлөгөө өгөх, зөвхөн улаан лооль жимсээр дамжуулан эрүүл хооллолтын боловсрол олгоход чиглэжээ. Өнгөрсөн амралтын өдөр болсон уг өдөрлөгт нийт 40 гаруй нэр төрлийн улаан лооль, шар бөөрөлзгөнө, чацарганы амталгаа болжээ. Мөн жимсний үр, үрсэлгээ худалдах болон тарьж ургуулах зөвлөгөө, аргачлалыг зааж өгсөн байна. Өдөрлөгт нийт 800 гаруй хүн ирсэн бөгөөд Эрдэнэт, Дархан, Сэлэнгэ аймгийн өрхийн тариаланчид оролцжээ.
