Хөвсгөл аймагт гэрээсээ гараад сураггүй алга болсон хүүхдийн цогцсыг олжээ

 
Гэрээсээ гараад сураггүй алга болсон хүүхдийн цогцсыг олжээ. Тодруулбал, Хөвсгөл аймгийн Алаг-Эрдэнэ сумын Хатгал тосгоны  Дээд модот булангийн-Үзүүр гэх газарт энэ бямба гарагт 16 настай хүүхэд адуугаа хураахаар гэрээсээ мориор гараад, сураггүй болсон гэсэн дуудлага тус аймгийн Онцгой байдлын газар өчигдөр орой иржээ.

   Дуудлагын дагуу  Хөвсгөл аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид эрэн хайх ажиллагаа явуулсан байна. Улмаар өнөөдөр  05:30 цагаас эхлэн эрэн хайх ажиллагааг зохион байгуулж, тус багийн Ардагийн-Ам гэдэг газраас цогцсыг олж, Цагдаагийн байгууллагад шилжүүлэн өгсөн байна.