ОХУ-ын Украинд явуулж байгаа “Дайныг эсэргүүцэж” буй манай зарим иргэд долоо хоногийн бүрийн Бямба гарагт Монголд суугаа Оросын элчин сайдын яамны гадна тайван жагсаал хийх болсон.
Тэгвэл тэдний зарим төлөөлөл Орхон аймгийн Эрдэнэт хот очоод байгаа аж. Учир нь тэдний “Дайныг эсэргүүцсэн” тайван жагсаал өнөөдөр /2022.05.07/-ийн Орхон аймгийн төв Эрдэнэт хотод үргэлжлэх бөгөөд тэд Украины Ерөнхийлөгч В.Зеленскийн багадаа сурч байсан Эрдэнэт хот дахь Ерөнхий боловсролын сургууль /ЕБС/-иар орох нь ажээ. Сонирхуулахад, В.Зеленский бага ангидаа Эрдэнэт хотын ЕБС-д сурч байсан ба түүний эцэг эх Эрдэнэт үйлдвэрт ажиллаж байсан гэдэг.
