Орхон аймагт өчигдөр буюу 11-р сарын 18-ны өдөр 13 хүний шинжилгээнд коронавирус илэрсэн талаар ЭМЯ мэдээлсэн. Үүнтэй холбоотойгоор тус аймгийн онцгой комиссоос мэдээлэл хийлээ.
“6-12 насны дөрвөн хүүхэд, 29-62 насны насанд хүрсэн 9 хүний шинжилгээнээс коронавирус илэрлээ. 13 тохиолдлын ихэнх нь төмөр замын районд ажилладаг хүмүүс байна. Нийт гурван хоногийн хугацаанд 1600 гаруй сорьц авчээ.
Дөрвөн хүүхэд сургуульд сурдаг учраас анги танхим, багш нарыг тодорхойлох, 11 сарын 7-нд нэг хүүхэд Өргөө кино театрт кино үзсэн, зарим хүмүүс худалдаа үйлчилгээний төвүүдээр явсан мэдээлэлтэй байгаа учраас тандалт судалгаа хийж байна” гэлээ. Батлагдсан тохиолдлуудаас Эрдэнэт үйлдвэрийн ажилтан байхгүй. Харин Эрдэнэт үйлдвэрт ажилладаг хүнийг сэжигтэй, хавьтал гэж үзсэн учраас гэрт нь тусгаарласан байна. Одоогоор 387 сорьцыг аваад ХӨСҮТ рүү явуулж байна.
