Булган аймгийн ИТХ, Засаг даргын Тамгын газрын хамтарсан баг аймгийн нийт суманд ажиллаж эхэллээ. Аймгийн ИТХ-ын дарга, нарийн бичгийн дарга, Засаг даргын орлогч, Тамгын газрын даргаар ахлуулсан ажлын баг дөрвөн бүсэд ажиллаж, төр, засгийн бодлого шийдвэрийн хэрэгжилт, төрийн байгууллагын үйл ажиллагаатай танилцаж, зөвлөн туслах зорилготой ажиллаж байна.
Аймгийн Засаг даргын үйл ажиллагааны “Шинэ хөгжлийн зам” хөтөлбөрийн хэрэгжүүлэх ажлын зохион байгуулалт, “Ёс зүйтэй, мэдлэг чадвартай, хариуцлагатай-төрийн алба” жилийн ажлын хүрээнд хийж байгаа ажилтай танилцаж зөвлөмж, чиглэл өгч байна гэж аймгийн Засаг даргын Тамгын газрын төрийн захиргаа, удирдлагын хэлтсийн дарга Д.Эрдэнэбилэг ярилаа.
