Булган аймгийн Засаг даргын Тамгын газар Улс тунхагласны ойн баяраар “Төрийн захиргааны албан хаагчдын өдөр”-ийг тэмдэглэдэг уламжлалтай. Энэ жил төрийн захиргааны албан хаагчдын өдрийг угтан “Итгэл даах төрийн алба” аяныг өнөөдрөөс эхлэн зарлаж байна. Аймгийн Засаг даргын Тамгын газрын Төрийн захиргааны удирдлагын хэлтсийн дарга Д.Эрдэнэбилэг:
- Төрийн албаны шинэтгэлийг орон нутагт эрчимжүүлэх, төрийн албан хаагчдын зөөлөн ур чадварыг дээшлүүлэхэд энэ аяны зорилго оршиж байгаа юм. Аяны хүрээнд төрийн байгууллагуудын ёсзүйн зөвлөлүүдтэй хамтран “Төрийн албаны ёсзүй хариуцлагын тогтолцоог үр дүнтэй хэрэгжүүлэх нь” сэдэвт хэлэлцүүлэг, сургалт, өдөрлөг зохион байгуулна гэлээ.
Өнөөдөр Нийгмийн бодлогын хэлтсийн харьяа агентлагуудын албан хаагчдад зориулсан сургалт болж байна.
