Баянхонгор аймгийн Баянцагаан сумын Цэцэн 3 дугаар багийн “Завьж“ гэдэг газар айлын гэр, өвөлжөө шатаж байна гэсэн дуудлага 2022.03.14-ний өдрийн 16:40 цагт аймгийн Онцгой байдлын газарт бүртгэгджээ.
Тухайн бүс нутаг нь аймгийн төвөөс баруун урд зүгт 170 км, сумын төвөөс баруун урд зүгт 45 км-т байдаг байна.
Дуудлагын дагуу тус аймгийн Онцгой байдлын газрын Баянцагаан сум дахь Эрэн хайх, аврах бүлэг, Цагдаагийн хэсгийн алба хаагчид, сумын Засаг даргын Тамгын газрын ажилтнууд 45 км замыг туулан очиж, иргэн Б-ийн 4 ханатай гэр, 5 ханатай гэр, 2х3 метрийн амбаар, өвөлжөө, бууц шатаж байсныг унтраажээ.
