Баян-Өлгий аймгийн ЗДТГ нь Удирдлагын академийн мэргэжлийн багтай хамтран "Аймгийн урт хугацааны хөгжлийг стратеги төлөвлөгөө"-г боловсруулж байна.
Бодлогын баримт бичгийн эхний хэлэлцүүлгүүдийг өнгөрсөн долоо, есдүгээр сард Улаанбаатар хотод хийжээ. Харин 10 дугаар сарын 28-30-ны өдрүүдэд Өлгий хотод дараагийн шатны хэлэлцүүлгийг хийж, үүнд аймгийн бодлого, шийдвэр гаргах түвшний бүх хүмүүсийг оролцуулсан байна.
Аймгийн Засаг дарга Д.Бауыржаны өгсөн мэдээллээр, аймгийн хэтийн хөгжил, хөгжлийн тэргүүлэх чиглэл, алсын харааг тодорхойлох зорилготой стратеги төлөвлөгөөг энэ сард аймгийн иргэдээр хэлэлцүүлж, ирэх сарын эхээр батлахаар төлөвлөж байгаа ажээ.
