Хөвсгөл аймгийн Тосонцэнгэл сумын Тээлбагийн Тэгш булан гэдэг газар 10 хүн Сэлэнгэ мөрнийг завиар гатлах явцад завь нь хөмөрч 7 хүн усанд осолдсон.
Эрэн хайх ажиллагааг 5 дугаар сарын 2-ны өдрийг хүртэл зохион байгуулж, 4 хүний цогцсыг олж, 3 хүний цогцос олдоогүй тул эрэн хайх ажиллагааг ар гэрийнхэнтэй нь зөвшилцөж зогсоосон байсан. Энэ сарын 3-ны өдөр Тосонцэнгэл сумын Сэлэнгэ багийн Эрлийзийн ферм гэдэг газар Сэлэнгэ мөрнөөс 32 настай иргэн У-ийн цогцос олдсон байна. Тус аймгийн Онцгой байдлын газрын алба хаагчид Сэлэнгэ мөрөнд осолдсон эмэгтэйн цогцсыг уснаас гаргаж, Цагдаагийн газрын бүрэлдэхүүнд шилжүүлэн өгсөн байна.
