Дорноговь аймгийн БСУГ-ын дарга Ч. Отгонбаяр Японы Шизүока мужийн Боловсролын газрын хэсгийн дарга Сүзүки Такаакитай цахим уулзалт хийлээ.
Талууд жил бүр зохион байгуулдаг “Ахлах ангийн сурагч солилцоо” хөтөлбөрийг энэ удаа “Ковид-19” цар тахалтай холбогдуулан алсын зайн хэлбэрээр зохион байгуулахаар харилцан тохиролцсон байна.
Энэ жил аймаг, муж хооронд хамтын ажиллагаа тогтоосны 10 жилийн ойн тохиож байгаа юм. 2011 оноос эхэлсэн хамтын ажиллагааны хүрээнд Дорноговиос Шизүока мужид 200 гаруй сурагч, 20 гаруй багш зочилж, 60 гаруй төрийн албан хаагч туршлага судалсан байна.
