Архангай аймагт Ковид-19 цар тахлын халдварын тохиолдол бүртгэгдсэнтэй холбогдуулан өндөржүүлсэн бэлэн байдлын “Улбар шар түвшин” (халдвар голомтот тархалттай)-д шилжжээ.
Аймгийн Засаг даргын захирамжаар Эрдэнэбулган, Хангай, Хашаат, Тариат сумын орох, гарах хөдөлгөөнийг өнөөдрөөс эхлэн тодорхойгүй хугацаагаар зогсоосон байна.
Мөн Эрдэнэбулган, Тариат, Хангай, Цэнхэр, Булган, Ихтамир, Хашаат сумдын ерөнхий боловсролын сургууль, хүүхдийн цэцэрлэгийн үйл ажиллагааг тодорхойгүй хугацаагаар зогсоож, хичээл, сургалтын үйл ажиллагааг цахим хэлбэрт шилжүүлжээ.
Батлагдсан тохиолдлын гарал үүсэл, ойрын болон дам хавьтлыг тогтоож тусгаарлах, голомтын эцсийн халдваргүйтгэл хийх юм байна.
Эх сурвалж: Архангай аймгийн ЗДТГ
