Энэ зорилгын хүрээнд нийгмийн харилцаанд хамгийн их оролцдог 22 чиглэл, салбараас 12 мянган иргэнийг PCR шинжилгээнд хамруулах юм. 10 цэгт нэгэн зэрэг явагдаж буй энэхүү шинжилгээнд 10:00 цагийн байдлаар 1000 гаруй иргэн хамрагдаад байна. Шинжилгээний хариунаас шалтгаалан аймгийн Онцгой комисс 2021 оны нэгдүгээр сарын 5-нд хуралдан дараагийн шийдвэрийг гаргана. Тиймээс хоёр өдөр үргэлжлэх PCR шинжилгээнд сонгогдсон иргэд идэвхтэй хамрагдан хамтдаа ногоон бүсээ тогтоохыг аймгийн онцгой комиссоос уриалав.
