Сэлэнгэ аймгийн Алтанбулаг боомтоор орж ирсэн ачаа тээврийн жолооч Д 21 хоног тусгаарлагдаад гарсан ч коронавирусийн халдвар илэрч, Монгол Улс дотооддоо халдвар алдаад байна. Улмаар түүний эхнэр, ээж, охин дүү, охин дүүгийнх нь ангийн хоёр охин халдвар аваад байгаа юм.
Харин иргэн Д нь маршрутаа дутуу мэдээлснийг цагдаагийн хурандаа Ж.Амгалан мэдээлсэн. Тэрбээр "Хүн мартсан санасан байж болно. Санаатай санаагүй байж болно. Маршрутаа дутуу мэдээлснийг цагдаагийн албан хаагчид камер шүүж, нэмэлтээр илрүүлэн, үргэлжлүүлэн тогтоох ажил үргэлжилж байна" гэсэн юм.
