Баянгол дүүргийн нэгдүгээр хороонд байрлах “Монтуул” ХХК-ийн Жениус зочид буудал нь нийтийн эзэмшлийн зам талбайд олгосон хэмжээнээс илүү гарган хашаа, гарааш барин иргэдийн эрүүл аюулгүй орчинд амьдрах нөхцлийг алдагдуулж байгаа талаар 47, 47/1, 88 дугаар байрны оршин суугчид, иргэдээс дүүргийн иргэдийн Төлөөлөгчдийн Хуралд ирүүлсэн гомдол хүсэлтийг хууль журмын дагуу судлан шийдвэрлэхийг холбогдох албаныханд даалгасан.
Баянгол дүүргийн Газар зохион байгуулалтын албанаас Газрын тухай хуулийн холбогдох заалтыг зөрчиж барьсан хашаа, гараашийг 2020 оны 10 дугаар сарын 13-ны өдөр албадан буулган газар чөлөөллөө.
