Монголын Сумын Эмч Мэргэжилтнүүдийн Холбооны дэмжлэгтэйгээр хэрэгжиж буй "Халдварт болон халдварт бус" өвчний эрт илрүүлэг, үзлэг аймгийн баруун талын сумдад үргэлжилж байна.
Одоогийн байдлаар Тариалан, Завхан, Өлгий суманд тус холбооны гишүүн эмч нар ажиллаад байна. Үзлэгийн багийн бүрэлдэхүүнд эхоны эмч, дурангийн эмч, дотрын эмч, рентгений эмч, сүрьеэгийн эмч, эмэгтэйчүүдийн эмч нар явж байгаа аж. Тэд сумдын төрийн албан хаагчид болон эрсдэлт бүлгийн иргэдийг "Халдварт болон халдварт бус" өвчний эрт илрүүлгийн үзлэгт хамруулж, шаардлагатай хүмүүсийг эмчийн хяналтад авч ажиллаж байна. Иймээс уг үзлэгт ард иргэдийг идэвхтэй хамрагдахыг аймгийн Эрүүл мэндийн газраас уриалж байна.
