Гэр бүлийнхэнтэйгээ маргалдаж, сураггүй алга болсон өсвөр насны охиныг Онцгой байдлын албан хаагчид эсэн мэнд олж, ар гэрийнхэнд нь хүлээлгэн өгчээ. Тодруулбал, Өмнөговь аймгийн Даланзадгад сумын Их-Уул баг, 25 дугаар гудамжинд байх С нь гэр бүлийн маргааны улмаас гуравдугаар сарын 8-ны 19:00 цагийн орчим гэрээсээ гараад сураггүй болжээ. Энэ тухай дуудлага Онцгой байдлын албанд тухайн өдрийн 20:15 цагт ирсэн байна. Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчдыг очиход С/15 настай, эмэгтэй/-ийг эрэн хайх ажиллагааг таван км-ийн тойрогт зохион байгуулж, 21:59 цагт тус багийн шатахуун түгээх станцын дэргэд явж байхад нь эсэн мэнд олж, ар гэрт нь хүлээлгэн өгчээ.
