Монгол Улсын АТГ-аас “Таны эрх, таны оролцоо-авлигад үгүй гэж хэлье” соён гэгээрүүлэх нээлттэй өдөрлөгийг энэ сарын 14-ний өдөр Сэлэнгэ аймгийн АДБ-ийн “Сэлэнгийн долгио” чуулгын байранд зохион байгууллаа.
Өдөрлөгт АТҮХ-ийг хэрэгжүүлэх ажлын албаны дарга, эрхэлсэн комиссар Д.Дуламсүрэнгээр ахлуулсан соён гэгээрүүлэх хэлтсийн хамт олон оролцож, албан хаагчид болон сурагчдын төлөөлөлтэй уулзжээ.
Өдөрлөгийн хүрээнд “Авлигатай тэмцэх газрын танилцуулга”-ыг АТГ-ын УССГХ-ийн ажилтан, комиссар Д.Балдандорж, “Авлигын хор хөнөөлийн талаарх танилцуулга”-ыг АТГ-ын УССГХ-ийн ажилтан, комиссар М.Жамъянчойжил, “Шударга-Удирдагч, Шударга-Төрийн албан хаагч” аяны танилцуулгыг аймгийн ЗДТГ-ын ХЭЗХ-ийн Д.Ёндонжамц нар тус тус танилцуулж, оролцогч иргэдийн санал хүсэлтийг сонссон байна. Мөн өдөрлөгийн хүрээнд ЕБС-ийн ахлах ангийн сурагчдад танилцуулга мэдээлэл хийж, буухиа тэмцээнийг зохион байгуулжээ. Энэхүү үйл ажиллагааг аймгийн ЗДТГ, ХЭЗХэлтэс хамтран зохион байгуулсан байна.
