Өмнөговь аймгийн Ханбогд сумын Засаг дарга, сумын Онцгой комиссын дарга Ш.Эрдэнэжаргал аймгийн Онцгой комисст Улаанбаатараас ирэх хүсэлтэй иргэдээ шууд татаж авах хүсэлт ирүүлжээ.
Тэрээр, тус суманд Улаанбаатар хотоос ирэх 315 иргэн бүртгүүлсэн байна. Эдгээр иргэдийг Өмнөговь аймгаар дамжуулж дам хавьталд оруулахгүйгээр шууд сум руугаа татаж авах хүэсэлтэй байна гэжээ. Мөн Автотээврийн үндэсний төвөөс баталгаажсан Улаанбаатар-Ханбогд-Улаанбаатар чиглэлийн хот хоорондын тээврийн үйлчилгээтэй бөгөөд бид урьдчилсан байдлаар автотээврийн үндэсний төвтэй ярилцаж тус ажлыг зохион байгуулах боломжтой талаар тохироод байна хэмээн уг хүсэлтдээ дурджээ.
