Ирэх арванхоёрдугаар сарын 1-нээс 10-ны хооронд Улаанбаатар болон орон нутагт гацсан иргэдийг гэр гэртээ очих боломжоор хангахаар болсон. Тодруулбал, УОК-оос гаргасан түр журмын дагуу иргэд шинжилгээ өгөөд нутаг буцах юм. Мөн 10 хоногийн хугацаанд нийтийн тээвэр хөдөө орон нутаг руу хуваарийн дагуу иргэдэд үйлчлэх бөгөөд иргэд ticket.mn сайтаар тасалбараа захиалах боломжтой. Түүнчлэн хувийн машинаараа ч явж болох юм.
Харин аймаг хооронд гацсан, аймгаас сум руу явах хөдөлгөөнийг тухайн аймаг зохион байгуулах бөгөөд арванхоёрдугаар сарын 1-нээс 10-ны хооронд шинжилгээгээ өгөөд нутаг буцах боломжтой билээ.
