2020 оны гуравдугаар сарын 02-ны өдөр Москва-Улаанбаатар чиглэлийн онгоцоор Монголд ирсэн Франц улсын иргэнээс коронавирусын сэжигтэй тохиолдол илэрч, урьдчилсан шинжилгээгээр “Ковид 19” илэрсэн билээ.
Түүнтэй нэгдүгээр шатны харилцаанд орсон нийт 126 хүнийг тусгаарлаад буй юм.Тэдэнд хийсэн шинжилгээний хариу сөрөг буюу халдваргүй гарсан байна.
Эдгээр 126 хүн нь Францын иргэнтэй цуг нисэх онгоц, галт тэргээр зорчсон, хоолны газар хамт байсан, ажлын газрынх нь хүмүүс юм.
Гэвч тэднийг 14 хоногийн турш тусгаарлалт, ажиглалтанд байлгах ажээ.
