Хятадын анхны хил дамнасан AGV тээврийн шугам нь 2022 оны 07-р сарын 16-нд Хятад, Монголын Ганцмод хилийн боомтод ашиглалтад орсон юм.Өдөр тутмын тээвэрлэлтийн хүчин чадал нь уламжлалт чингэлэг тээврийн ачааны машинаас тав дахин их байж, энэ оны 12-р сарын эхэн хүртэл Ганцмод боомтын хил дамнасан AGV тээврийн сувагт нийт ачаа тээвэрлэлт 10 сая тонноос давж,Ганцмод боомтын AGV тээврийн хэрэгсэлийн хэмжээ нь Хятадын хуурай газрын боомт нэвтрэх бүтээмжийн дээд амжилт тогтоожээ.
Автомат удирдлагатай тээврийн хэрэгслээр дамжуулан ухаалаг хил дамнасан тээвэрлэлт нь гаалийн бүрдүүлэлтийн үр ашгийг 60 гаруй хувиар сайжруулж, тээврийн зардлыг 15 хувиар бууруулсан байв. Энэхүү загварыг үндэсний түвшний олон төрлийн тээврийн туршилтын төсөл, Хятад-ШХАБ-ын дижитал эдийн засгийн хамтын ажиллагааны хамгийн сайн туршлагын ололт амжилт болгон сонгож, хилийн боомтуудад жолоочгүй хил дамнасан тээврийн стандартчилагдсан систем, ухаалаг зохицуулалтын хамтын ажиллагааны туршлага хангаасан байна.
Хятад-Оросын худалдааны хамгийн том ачаа тээвэрлэлттэй төмөр замын боомт болох Манжуур төмөр замын боомт нь ачааны хяналт, ухаалаг хуваарь, эрсдэлийг эрт сэрэмжлүүлэх зэрэг системийг бий болгохын тулд "5G + Эд зүйлсийн интернэт" технологийг гүнзгий нэгтгэсэн байв. Ухаалаг дүн шинжилгээ хийсний дараа боомтын өдөр тутмын шилжүүлэн ачих хүчин чадал 420 TEU-ээс 840 TEU болж хоёр дахин нэмэгдэж, галт тэрэгний хяналт шалгалтыг нэг минутын дотор байлгаж, ажлын үр ашгийг мэдэгдэхүйц сайжруулсан байна. Энэ нь үндэсний хэмжээнд төмөр замын боомтуудад технологийн чадавх, олон хэлтсийн хамтын ажиллагааны практик загвар болсон байна. Ганцмод боомт болон Манжуур боомтын нийтлэг жишээ нь Өвөр Монголын ухаалаг боомтын байгуулалтын бүтэмжийг харуулж байгаа юм.ӨМӨЗО 14-р таван жилийн төлөвлөгөөний хугацаанд 50 ухаалаг боомтын байгуулалтыг дэмжихэд нийт 410 сая юанийн хөрөнгө оруулалт хийсэн байна.
