Сэлэнгэ аймгийн Цагааннуур сум үүсэн байгуулагдсаны 100 жилийн ойн баяр наадам өчигдөр /2024.07.18/ боллоо.
Тус баяр наадамд хүчит 64 бөх барилдаж, тус сумаас төрөн гарсан Монгол Улсын арслан Б.Орхонбаяр түрүүлж, Сэлэнгэ аймгийн Мандал сумын харьяат Таванхан дэвжээ, Алдар спорт хорооны бөх Аймгийн Арслан Х.Наранбаяр үзүүрлэлээ. Мөн Сэлэнгэ аймгийн Мандал сумын харьяат Таванхан дэвжээ, Алдар спорт хорооны бөх Улсын Начин Ч.Баянмөнх, Дархан Уул аймгийн Дархан сумын харьяат Дархан Хайрхан дэвжээний бөх Аймгийн Хурц Арслан М.Төрбат нар шөвгөрсөн юм.
Сонирхуулахад, Улсын арслан Б.Орхонбаярын хувьд Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойн Үндэсний их баяр наадмын хүчит бөхийн барилдаанд үзүүрлээд байгаа билээ.
