Нийслэлийн Хан-Уул дүүргийн 13 дугаар хорооны 4б хэсгийн задгайд өчигдөр шар өвсөө шатааж байсан айл гал алджээ. Нийслэлийн хэмжээнд өнгөрсөн долоо хоногт аврах ажиллагааны 7, гал түймрийн 38 дуудлага бүртгэгдэж, аврагчид 39 иргэний эрүүл мэнд, амь нас, 2 тэрбум 542 сая төгрөгийн өмч хөрөнгийг хамгааллаа.
Шар өвс шатаасан 14, хог шатсан 6 дуудлага бүртгэгдсэн байна. Иргэдийн буруугаас болоод эдгээр гал гарчээ. Айлууд гал түлэх нь багассан ч гал түймрийн дуудлага төдийлөн цөөрөхгүй байгааг нийслэлийн Онцгой байдлын газраас анхаарууллаа.
