Тал нутгийн адуу дагасан соёлыг хамгаалах зорилготой зохиож эхэлсэн “Талын түмэн адуу” эвент найм дахь жилдээ Хэнтий аймгийн Батноров сумын “Тэнгэрийн андгай” цогцолборт болох гэж байна. Энэ жилийн хувьд Соёлын бүтээлч сарын хүрээнд зохион байгуулагдаж буй бөгөөд энэ сарын 18, 19-нд болох юм. Энэхүү соёлын эвентийн санаачлагч нь “Мөнх харилцаа” төрийн бус байгууллага бөгөөд дэмжигч байгууллагаар Соёлын яам, Байгаль орчин, аялал жуулчлалын яам, Хэнтий аймгийн Засаг даргын Тамгын газар ажиллаж буй бол хамтран зохион байгуулагчаар Батноров сумын Засаг даргын Тамгын газар ажиллаж байна.
