Баян-Өлгий аймгийн Алтай суманд хээрийн түймэр гарчээ. Тус сумын Засаг даргын Тамгын газрын даргаар ахлуулсан мэргэжлийн ангийнхан, орон нутгийн иргэд ажиллаж, энэ сарын 4-ны өдрийн 20:50 цагт түймрийг цурамд оруулж, бүрэн унтраахаар ажиллаж байгаа талаар ОБЕГ-аас мэдээллээ. Түймэр Алтай сумын Хар нуур багийн “Чихэртэй” гэдэг газар, аймгийн төвөөс баруун зүгт 140 км-т, сумын төвөөс баруун урд зүгт 20 км-т гарсан байна. Түймэр гарсан дуудлагыг Аймгийн онцгой байдлын алба энэ сарын 4-ны өдрийн 10:00 цагт хүлээн авчээ.
