Зах зээл дэх зэсийн ханш 3.7-3.8 ам.долларт хэлбэлзэж байна

Зах зээлийн COMEX фьючерсийн тооцоолсноор Азийн сессийн үеэр зэсийн ханш огцом өсөлттэй байна. Бараг бүх суурь металлын үнэ унаж байгаа энэ долоо хоногт зэсийн ханш 3.7155-3.8455 ам.долларт хэлбэлзэж байгаа юм.

Жил бүр Европын төв банкнаас зохион байгуулдаг Төв банкны форумд инфляцийн өндөр түвшин удаан хугацаанд үргэлжлэх бөгөөд өрхийн орлого буурах талаар анхааруулжээ. Мөн зэсийн үнэ тогтвортой байгаа ч, нийт эрэлт, нийлүүлэлтийн улмаас эргэн буурах магадлал өндөр байгааг мэргэжилтнүүд хэлж байна.