Өнөөдөр өглөө буюу арванхоёрдугаар сарын 23-ны 05:17 цагт Говь-Алтай аймгийн Халиун суманд газар хөдөлжээ. Газар хөдлөлт сумын төвөөс зүүн урд зүгт 46 километрын зайд болсон бөгөөд 5.1 магнитудын хүчтэй байсан аж. Хүмүүст чичирхийлэл мэдрэгдсэн ч учирсан хохиролгүй талаар орон нутгийн ард иргэд мэдээллээ. Түүнчлэн зэргэлдээ сумынханд газар хөдлөлтийн чичирхийлэл мэдрэгдсэн байна.
