Одоогоор Ховд аймагт коронавирусний халдварын батлагдсан тохиолдол 105-аар нэмэгдэж, нийт 18194 боллоо. Энэ сарын 26-ны өдрийн байдлаар нийт 301 хүн эмнэлэгт хэвтэн эмчлүүлж байна. Мөн 722 хүн гэрээр эмчилгээ хийлгэж байгаа юм. Сүүлийн 24 цагт эмнэлэг болон гэрийн эмчилгээнээс 160 хүн гарснаар халдвар авсан нийт 17285 хүн эдгэрсэн дүн мэдээтэй байна.
Харин Мянгад сумын харьяат иргэн Х, 66 настай, эмэгтэй. Коронавирусээр үүсгэгдсэн халдварт өвчин, нэн хүнд хэлбэр /архаг, хууч өвчний хавсарсан эмгэгтэй/-ийн оношоор Ховд аймаг дахь Бүсийн оношилгоо, эмчилгээний төвийн “Тусгаарлах эмнэлэг”-ийн "Эрчимт эмчилгээний тасаг"-т эмчлүүлж байгаад 2021 оны аравдугаар сарын 22-ны өдөр нас барсныг ЭМЯ-наас "коронавирусний халдварын шалтгаант нас баралт" гэж бүртгэжээ. Ингэснээр Ховд аймгийн хэмжээнд халдварын улмаас нас баралт нэгээр нэмэгдэж, нийт 24 болов.
