Баян-Өлгий аймгийн 98 иргэн залуучуудыг хөдөлмөрт бэлтгэх «Оролцоо» төслийн сургалтад хамрагдаж гэрчилгээгээ аваад байгаа. Үүнээс 41 залууг ажлын байранд дадлагажуулахаар урьдчилан гэрээ байгуулсан аж ахуйн нэгжүүдэд илгээсэн байна. Тухайн аж ахуйн нэгжүүд нь барилга, ноос, газар тариалан, нийтийн хоолны үйлчилгээ, хадгаламж, зээлийн хоршоо зэрэг чиглэлээр үйл ажиллагаа явуулдаг байна.
Ажлын байранд зуучлагдсан иргэд дадлага хийж дууссаны дараа уг ажлын байранд үндсэн ажилтнаар үргэлжлүүлэн ажиллах боломжтой ажээ.
