2020 оны УИХ-ын сонгуулиар МАН-аас Булган аймагт нэр дэвшиж ялалт байгуулсан Ц.Анандбазар аймагтаа суварга барихаар шав тавих ёслол хийжээ.
Тэрбээр Булган сумын нутагт нийт найман тэрбум төгрөгийн хөрөнгө оруулалтаар хоёр жилийн хугацаанд суварга барих бөгөөд бүтээн байгуулалтыг дагаад аймагт ажлын байр нэмэгдэнэ гэжээ.
Гэтэл нутгийн иргэд түүний энэ ажлыг эсэргүүцэж, шав тавих ёслолын үеэр жагссан байна. Мөн тэд аймгийн удирдлагуудаас, суварга барих газрын зөвшөөрлийг өгөхгүй байхыг давхар шаарджээ. Энэ долоо хоногт тус суварга барих газрын зөвшөөрлийг олгох эсэхийг аймгийн иргэдийн төлөөлөгчдийн хурлаар авч хэлэлцэх юм байна.
