Баян-Өлгий аймагт коронавирусний халдварын 2 тохиолдол нэмж бүртгэгдэж, нийт өвчилсөн хүмүүсийн тоо 8 боллоо. Тухайн иргэдийн хувьд өнгөрсөн сарын 30-ны өдөр Улаанбаатар хотоос хамт зорчин ирж, Өлгий хотод тусгаарлах байранд ажиглалтад байсан аж. Ажиглалтын 7 хоногийн хугацаа дуусаж, гарахаасаа өмнө PCR шинжилгээ өгөхөд халдвартай болох нь батлагджээ.
Ташрамд дурдахад, тус аймагт өмнө нь батлагдсан 6 тохиолдлын 5 нь эдгэрээд байгаа юм.
