Улсын онцгой комиссын шийдвэрээр энэ сарын 11-нээс Сэлэнгэ аймгийн Алтанбулаг хилийн боомтоор зөвхөн Монгол Улсын иргэдээ хүлээн авч байсан юм. Тэгвэл өнөөдөр өглөөний 08.00 цагт Алтанбулагийн хилийн боомтыг хаах шийдвэрийг УОК гаргалаа. Ингэснээр Монгол Улс бүх хилийн боомтуудаа хааж байгаа юм.
Алтанбулагийн хилийн боомт хаагдсан учир манай улс ОХУ-аас ирэх иргэдээ төмөр зам болон автобусаар авах ажлыг зохион байгуулах юм. Өнөөдрийн байдлаар авто замын “Алтанбулаг-Хиагт”, төмөр замын “Сүхбаатар-Наушки” боомтоор улсын хил нэвтэрсэн иргэдийг Сэлэнгэ, Дархан-Уул аймагт тусгаарлан ажиглаж байна.
