Энэ сарын 12, 13-ны өдрүүдэд зохион байгуулсан төрийн албаны ерөнхий шалгалтад нийт 232 хүн хамрагджээ. Тэдний 34,1 хувь нь тэнцсэн байна. Энэ нь өнгөрсөн жилүүдтэй харьцуулахад өндөр үзүүлэлт гэдгийг Төрийн албаны салбар зөвлөлөөс мэдээлэв. Шалгалтын цахим бүртгэлд нийт 264 хүн бүртгүүлсэн ч тодорхой шалтгааны улмаас 32 нь хамрагдаж чадаагүй байна. Шалгалтыг халдвар хамгааллын дэглэмийг баримтлан, нэг ээлжинд 20 хүнтэй байхаар зохион байгуулсан бөгөөд ямар нэг зөрчил, саатал гараагүй гэлээ.
