Сэлэнгэ аймгийн Мандал сумын гуравдугаар сургуулийн 30 гаруй сурагч хоолны хордлого авсан байж болзошгүй шинж тэмдэгтэй сумын эмнэлэгт ханджээ. Тодруулбал, өчигдөр 10.00 цагийн үед гуравдугаар сургуулийн 10 гаруй хүүхэд хоолны хордсон авсан бололтой хэмээн эмнэлэгт хандсан байна. Гэвч үдээс хойш сурагчдын тоо нэмэгдэж, 30 гаруй болсон байна.
Чухам юунаас болж хордсон эсэхийг тогтоохоор аймгийн нэгдсэн эмнэлгийн эмч, мэргэжилтнүүдээс гадна мэргэжлийн хяналтын таван байцаагч, нэг мал эмнэлгийн эмч шуурхай ажиллаж, сургуулийн үдийн цайнаас дээж авч, тандалт хийж байна. Шинжилгээний хариу өнөөдөр гарах аж.
