УОК долдугаар сарын 28-ны өдөр хуралдаж, Өндөржүүлсэн бэлэн байдлын хугацааг наймдугаар сарын 31-нийг хүртэл сунгасан билээ. Тэгвэл өнөөдөр УОК хуралдаж, ирэх долоо хоногийн даваа гарагт дуусах Өндөржүүлсэн бэлэн байдлын хугацааг сунгах эсэхийг хэлэлцэх юм байна.
Дэлхий дахинд коронавирусийн дэгдэлт буурахгүй байгаа учраас манай улс Өндөржүүлсэн бэлэн байдлыг зарлаж, хөл хорио тогтоож, хилийн боомтуудаа хааж, Олон улсын нислэгээ зогсоочихоод байгаа. Зөвхөн тусгай үүргийн нислэгээр гадаадад байгаа иргэдээ татаж авчирч байгаа билээ. Тэгвэл өнөөдөр хөл хориог цуцлах уу, сунгах уу гэдгийг шийдэх юм байна.
Өчигдөр өглөө ЭМЯ-ны өгсөн мэдээллээр дэлхийн дахинд коронавирусийн халдвараар 23 сая өвчилж, 814 мянган хүн нас бараад байна. Харин манай улсын хувьд зөөвөрлөгдөж орж ирж батлагдсан тохиолдол 298. Эдгэрсэн хүний тоо 289 болоод байгаа билээ.
