УИХ-ын гишүүн Х.Тэмүүжин Үндсэн хуулийг тогтвортой байлгахын тулд "Үндсэн хуулийн 2019 оны нэмэлт, өөрчлөлтөд дахин өөрчлөлт оруулахыг хориглох” санал гаргаад байгаа. Энэ дэмжигдвэл Үндсэн хуульд ойрын үед дахин гар хүрэхийг хориглож, Ерөнхийлөгчийн 2027 оны сонгуульд өнөөгийн Ерөнхийлөгч У.Хүрэлсүр ч тэр, дахин сонгогдох шанс олдвол үзээд алдахаас буцахгүй экс Ерөнхийлөгч Х.Баттулга ч тэр, өрсөлдөх боломжгүй хэвээр үлдэнэ гэсэн үг.
Уг саналыг УИХ дахь АН-ын бүлгийн 42 гишүүний 36 нь дэмжиж гарын үсгээ зурсан ч Х.Баттулга, Н.Алтанхуяг нарын хашир хандгайнууд алсын зайнаас ажигласан маягтай сууцгаасан юм. Гэвч эцсийн бүлэгт Х.Баттулга гишүүн мөнөөх бичигт гарын үсгээ зуржээ. Ингэснээр тэрбээр Ерөнхийлөгчид өрсөлдөхгүй гэдгээ нотолчихлоо доо.
