Нийслэлийн Баянгол дүүргийн, 20 дугаар хороо “Зорчигч тээвэр тав” ОНӨААТҮГ-ын төв баазын ойролцоох том оврын тээврийн хэрэгслийн зогсоолд "Мицубиши Фусо" загварын ачааны автомашин шатсан хэрэг өчигдөр гарчээ.
Галыг унтраахаар тус баазын Засвар үйлчилгээний хэлтсийн ажилтнууд галыг тархахаас сэргийлж чадсан байна.
Галд өртөж буй тээврийн хэрэгсэлтэй зэрэгцээ 2-3 метрийн зайд том оврын ачааны олон автомашин байжээ.
Иймд иргэн, аж ахуйн нэгжүүд өвлийн улиралд гадаа байрлуулсан тээврийн хэрэгслийг асаахдаа галлаж халаах нь өндөр эрсдэлтэй тул анхаарал болгоомжтой хандахыг мэргэжлийн байгууллагаас анхааруулав.
