УИХ-ын чуулганы нэгдсэн хуралдаан /04.11/ эхэллээ. Хуралдааны эхэнд Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд өөрчлөлт оруулах тухай хуулийн төслийг хэлэлцэх эсэх асуудлаар санал хураалт явуулав. Улмаар хуралдаанд оролцсон гишүүдийн олонх нь хуулийн төслийг хэлэлцэхийг дэмжлээ.
Үүний дараа УИХ-ын тухай хуулийн шинэчилсэн найруулгын төслийг хэлэлцэх ёстой байсан ч Төрийн байгуулалтын байнгын хорооны хурал дуусаагүй байгаа учраас хуралдааныг нэг цагийн хугацаатай завсарлуулаад байна.
