УИХ-ын ээлжит сонгуулийн санал хураалт зургаадугаар сарын 28-нд болно. Харин санал авах өдрөөс 60 хоногийн өмнө иргэний шилжих хөдөлгөөнийг зогсоох хуультай. Тодруулбал, ирэх дөрөвдүгээр сарын 29-нөөс иргэдийн шилжих хөдөлгөөнийг хааж, санал авах өдрийн дараа буюу зургаадугаар сарын 29-нөөс нээх юм.
Өмнө нь сонгуулийн жилийн хоёрдугаар сарын 1-нээс иргэдийн шилжих хөдөлгөөнийг хязгаарладаг байсан. Иргэдийн санал, гомдлын дагуу энэ удаагийн сонгуулиар дөрөвдүгээр сарын 29-нөөс шилжилт хөдөлгөөнийг зогсоохоор болсныг холбогдох албаныхан мэдээлж буй.
