БШУ-ны сайд Л.Энх-Амгалан их, дээд сургуулиудын чансаа, эрэмбийг олон улсын аргачлалын дагуу тогтоолгох хүсэлт гаргасан талаар нийгмийн сүлжээндээ мэдээлжээ.
Тэрбээр "Дэлхийн боловсролын сайд нарын чуулганы үеэр Times higher education байгууллагын удирдлагуудтай уулзлаа.Times higher education нь 1971 оноос хойш үйл ажиллагаа явуулж байгаа. 2004 оноос эхлэн дэлхийн болон олон улсын хэмжээнд дээд боловсролын байгууллагын чансаа эрэмбийг тогтоож иржээ. Уулзалтын үеэр Монголын их, дээд сургуулиудын чансаа, эрэмбийг олон улсын аргачлалын дагуу тогтоолгох хүсэлт гаргалаа. Гэхдээ эхний ээлжид дотооддоо эрэмбэлэх зорилго тавина" гэжээ.
